SAN MIGEL TXIKI

Maiatzak 8 an Aizarnazabalera joan ginen San Migel txikiko herri kirolak egitera. Bertan Arroa, Aizarna, Aizarnazabal eta Oikiako eskolako ikasleak elkartu ginen. Esku pilotan, pala, korrika eta xakean parte hartu genuen.

Oikiara dominez gain, bi kopa ekarri genituen!! Aizarnazabalgo ikasleen gurasoek merienda goxoa eman ziguten. Eskerrik asko Aizarnazabalkoei egun polit horregaitik.

Ikasturte amaierako jaialdia

Maiatzaren 31ean ikasturte amaierako jaialdia ospatu genuen.

Lehenik 4.5. eta 6. mailako ikasleok "Obrako jubilatuak" izeneko bertso emanaldia egin genuen.

Ondoren haur hezkuntzakoek kanta batzuk kantatu eta dantzatu zituzten.

Gero 2. eta 3. mailakoek "Maiteren Panpina" izeneko antzerkia antzeztu zuten, jaialdia alaituz.

Bukatzeko guk "Atrakoa" izeneko antzezlana antzeztu genuen.

Azkenik opari moduan 6. mailakoei sorpresa txiki bat eman ziguten guretzat bereziki asmatutako bi bertso kantatuz, eta goseari aurre egiteko guraso elkartekoek txokolatada prestatu ziguten denontzat.

Primeran pasatu genuen!!!!!

Bertsogintza jaialdia: Joan zen astelehenean, maiatzak 7, bertso jaialdia ospatu genuen Zumaiako Aita Mari zineman, Oikia eta Zumaiako ikastetxeetako 5. 6. mailako ikasle guztiek hartu genuan parte.

Oikian gutxi garenez 4. mailakoek ere gurekin izan ziren.

Bertso gai ugari aurkeztu ziren: Drogari buruz, zirkoko komeriak, Australiara bidaia...

Guk gai xelebre bat aukeratu genuen: Obretara jubilatu batzuk joaten omen dira " ingeneritza lanak egitera " eta dirudienez obretako langileek bidali egiten dituzte.

Sei pertsonai izan ginen: Bi jubilatu, emakumezkoa eta gizonezkoa, kubana bat, jubilatuaren neska laguna eta hiru langile.

Jendeak parre asko egin zuen, oso polita izan zela ikusle askoren esanez.

ASKIZUKO IRTEERA

Oikiako ikasleak martxoak 28-29an Azkizun egon ginen bi egu eta gau bat pasatzen.

Lehenengo egunean ,goizean, Nerea monitoreak lagunduta "aparejoak" egin genituen.Eta euria ari zuenez, bertan aterpean bazkaldu genuen.

Bazkaldu ondoren, Zumaira oinez eta mendiz jeitsi ginen, portura. Lehendabizi txalupan ibili ginenportuan eta itsasora ere irten ginen.Eta gero, aparejoekin arrantzan egin genuen."zorte txarra" izan genuen arrai bat bera ez genuen arrapatu.
Ondoren Askizura autobuzez igo ginen.

Onena afaldu eta gero etorri zen "estriptis" egin genuen eta parranda galanta.Amaiak ipuina kontatu zigun.
Hurrrengo egunean Getariara autobusez jeitsi ginen eta elkanon istorioa ikasi genuen eta jokuak
egin genituen.Bazkaltzera Askizura igo ginen berriro eta ederki egon ginen gurasoak etorri arte.
BERRIRO JOATEKO PREST GAUDE!!!!

MARTXOAK ZORTZI: Emakumeen eguna.

Klara Zetkin alemaniar femenistak egun hau izendatu zuen 1911. urtean emakumeen egun bezala. Garai hartako emakumeak zera eskatzen zuten:

· Bozkatzeko eskubidea.
· Etxetik kanpo ere lana egin ahal izatea.
· Gizonezkoen soldata berdina izatea.
· Kargu plublikoetan egotea.

Gaur egun bozkatu, unibertsitatera joan edo beste zenbait lorpen eskuratu ditugu arren, oraindik ere gizarteko zama asko gure gain ditugu: etxeko lanak, haurren zaintza...
Poliki-poliki emakumeak eskubide osoko pertsonak izatera iritsiko gara.

OIKIA IÑAUTERIETAN

Kaixo lagunok:

Inauteri egunean denok batera jangelan bazkaldu genuen. Ondoren jolastu eta eskolara bueltatu ginen Txatxos mozorrotzera; gona zuria, abarkak, alkondara koloretsua eta lastozko txapela koloretako zintekin jantsi genituen. Ze dotore geunden denok!!!
Gero frontoira joan, eta gurasoen aurrean dantzatu genuen. Amaitzeko, Elvi bentrilokuoa etorri zen bere lagun panpinekin. Lehertu arte egin genuen barre!!!

IMANOL AZKUE IDAZLEA OIKIA ESKOLAN

Otsailaren 8- an, Imanol Azkue idazle Zumaiarra gure eskolara etorri zen gurekin hitzegitera. Bere ipuinak ezagutzeaz gain, marrazkiak eta jolasak egin genituen. oso ondo pasa genuen berarekin. Eskerrik asko Imanol arratsalde atsegin harengatik.

Iturenengo Inauteriak:

Urtarrilaren 29an Iturenera joan ginen bertako inauteriak ezagutzera. Paisai zoragarri bat ikusi ahal izan genuen den-dena elurturik baitzegoen

Hara Aizarna, Aizarnazabal, Arrua eta Oikiako ikasleak joan ginen autobusez. Bertara iritsi ginenean zanpantzarrak nola janzten ziren ikusi genuen.

Beraien atzetik ibili ginen Iturengo kaletan zehar. Gero zubitxo bat igaro ondoren, tontor batean Zubietatik zetozenekin elkartu ginen.

Plazan karrozen desfilea ikusi genuen; horietako batek "Iturengo hiltegia" zuen izena eta bertan zerri bat zeramaten. Plazaren erdian geratu zirenean karrozan zihoazten mutilek mahaia eta ontzi bat atera zituzten. Bapatean, zerria mahai gainean ipini eta bertan hil zuten. Honek ikaragarrizko kurrizkak bota zituen. Azkenik aberearen tripakiak hartu eta inguruko jendea zirikatzen ibili ziren.

Denok ikasle eta irakasleok oroimen eder batekin etorri ginen.